Canllawiau Ar-Lein JobCymru.com
Wedi gadael yr Ysgol neu’r Coleg – Beth Nesaf?
Gall cyfnod gadael yr ysgol neu’r coleg fod yn amser dryslyd, yn enwedig os nad ydych chi’n gwybod beth hoffech chi ei wneud neu os oes gormod o bethau eraill yn digwydd yn eich bywyd! Fodd bynnag, mae hi wastad yn help gwybod pwy all helpu a pha wybodaeth sydd ar gael!
Gall y wefan hon eich cynorthwyo i ddarganfod:
- Pa gwmnïau lleol sydd yn recriwtio a hyfforddi pobl ifainc
- Pwy sydd yn cynnig profiad gwaith
- Pa sgiliau a rhinweddau personol y mae cyflogwyr lleol yn chwilio amdanynt wrth recriwtio
- Pa gwmnïau sydd yn cynnig swyddi sydd o ddiddordeb i chi
- Pa swyddi sydd ar gael
Gallwch chwilio Cronfa Ddata Cwmnïau JobCymru.com gan ddefnyddio:
1) Geiriau Allweddol megis:
- Gwesty, modurdy, siop (math o gwmni). Defnyddiwch y ffurf unigol a lluosog e.e. cyfrifydd & cyfrifyddion
- cyfathrebu, gonestrwydd (Sgiliau)
- Profiad gwaith
- Math o hyfforddiant e.e. NVQ, prentisiaeth fodern, hyfforddiant mewnol
- Trefi ac ardaloedd e.e. Llandrindod, Powys, Ceredigion, Gwynedd, Caerfyrddin
2) Categori - Caiff cwmnïau eu rhannu’n 4 categori –Twristiaeth, Gwerthu, Cynhyrchu a Gwasanaeth. Fe allwch chi chwilio am bob cyflogwr yn y maes sydd yn eich diddori!
3) Swyddi - gallwch chwilio am gwmnïau sydd yn cynnig swydd benodol e.e. peiriannydd, cogydd, rheolwr, cynllunydd. Pa swyddi sydd o ddiddordeb i chi?
Llenwch y manylion ac arhoswch i gael gweld y cwmnïau sydd yn ymddangos. Yna, gallwch edrych ar fanylion pob cwmni neu ddewis a dethol!
Rhowch gynnig ar y cwis isod. Bydd yn eich helpu i ddysgu sut mae defnyddio’r Gronfa Ddata Cwmnïau.
‘Canfod y cwmni' - Cwis
- Dewch o hyd i 4 cwmni Gwasanaeth
- Enwch 3 chwmni sydd yn cyflogi Peiriannydd
- Chwiliwch am 3 chwmni sydd yn cynnig Prentisiaeth
- Dewiswch gwmni Twristiaeth a disgrifiwch eu Prif Weithgaredd (Yr hyn mae’r cwmni yn ei wneud!)
- Chwiliwch am swydd sydd o ddiddordeb i chi a chanfyddwch pa lefel cymwysterau sydd ei angen ar ei chyfer
- Dewch o hyd i 3 chwmni sydd yn rhoi gwerth ar staff gyda sgiliau cyfathrebu da
- Edrychwch am 2 gwmni sydd yn cynnig profiad gwaith
Sut wnaethoch chi?
Os teimlwch bod angen cyngor neu gefnogaeth cyn penderfynu beth i’w wneud nesaf, peidiwch â phoeni, dydych chi ddim ar eich pen eich hun! Mae yna bobl all eich helpu chi.
Pwy all fy helpu i?
Gyrfa Cymru
5 rheswm da dros gysylltu â Gyrfa Cymru
- Er mwyn cael gwybod am yr hyfforddiant a’r swyddi gwag diweddaraf
- Cymorth i geisio am swyddi a hyfforddiant
- Cyngor un i un
- Er mwyn defnyddio’u llyfrgell a’u meddalwedd cyfredol
- Er mwyn sicrhau eich hawl i gael budd-dâl
Caiff Porth Ieuenctid ei redeg gan Gyrfa Cymru er mwyn pobl ifainc fel chi; bydd y cwrs yn:
- Cynnig cefnogaeth unigol beth bynnag yr hoffech chi gymorth ag ef
- Eich cynorthwyo i gwrdd â phobl a gwneud ffrindiau newydd
- Adeiladu eich hyder a sgiliau
- Eich cynorthwyo i ddod o hyd i brofiad gwaith
- Cyfle i roi cynnig ar bethau newydd e.e. gweithgareddau awyr agored, gwneud fideo
Edrychwch ar www.gyrfacymru.com er mwyn gweld ble mae’r ganolfan yrfaoedd agosaf atoch chi!
