Amdanom Ni

Un o gynlluniau Menter a Busnes yw jobcymru a jobcymru.com.

I’r rhai ohonoch sydd eisoes yn ymwybodol o waith Menter a Busnes, Gorwelion ar ei newydd wedd yw jobcymru. Amcan jobcymru yw i gynyddu nifer y siaradwyr Cymraeg sydd yn dymuno gweithio mewn sectorau gwaith lle mae angen sgiliau dwyieithog. Mae jobcymru yn gwneud hyn drwy gyflwyno gwybodaeth am sgiliau angenrheidiol a chyfleoedd gwaith a hyfforddiant yn y farchnad lafur leol a chenedlaethol. Mae'r galw am sgiliau dwyieithog yn cynyddu ond nid yw bob amser yn hawdd recriwtio bobl â'r sgiliau iawn fodd bynnag, a dyma ble mae jobcymru yn gallu helpu.

Un o brif brosiectau jobcymru yw'r Swyddiadur. Cynhyrchwyd 8 Swyddiadur hyd yma – ym Môn, Gwynedd, Ceredigion, Powys, Sir Benfro, Sir Gaerfyrddin, Llanelli, a Thaf Elái. Ffeiliau yn cynnwys sampl o gyflogwyr yr ardal yw'r Swyddiadur, gyda llawer o wybodaeth am bob cyflogwr. Defnyddir hwy, ynghyd â Thasgau'r Swyddiadur, sef cyfres o wersi dosbarth ar gyfer yr athro, mewn ysgolion uwchradd fel rhan o raglen addysg yrfaoedd. Mae’r bas data sydd ar y wefan hon yn seiliedig ar y Swyddiadur – sef y Swyddiadur ar y We. Os hoffech gael mwy o wybodaeth am y Swyddiadur neu Dasgau’r Swyddiadur, e-bostiwch jobcymru ar cysylltu@jobcymru.com